കോട്ടയം: കേരളത്തിലാദ്യമായി മീനച്ചില് നദീതടത്തിലെ നീര്നായകളുടെ കണക്കെടുപ്പും, നീര്നായ ശല്യം സംബന്ധിച്ച വിവരങ്ങളും ശാസ്ത്രീയമായി ശേഖരിക്കുന്നു. വര്ധിച്ചു വരുന്ന നീര്നായ ആക്രമണങ്ങളുടെ പശ്ചാത്തലത്തിലാണ് പഠനം നടത്തുന്നത്.
നീര്നായകള് ഇപ്പോള് കൂടുതലായി കണ്ടു വരുന്ന പ്രദേശങ്ങളിലും നീര്നായ ശല്യം ഉണ്ടായിട്ടുള്ള ഇടങ്ങളിലുമാണ്, പരിശീലനം നേടിയ 70ലധികം വിദ്യാര്ഥികള് നേരിട്ടെത്തി പഠനം നടത്തുന്നത്.
ജലവിഭവ വികസന വിനിയോഗ കേന്ദ്രം കോഴിക്കോടിന്റെ കോട്ടയം സബ് സെന്റർ, കേരള വനം വകുപ്പ് സാമൂഹ്യവനവത്കരണ വിഭാഗം, സംസ്ഥാന ജൈവവൈവിധ്യ ബോര്ഡ്, ട്രോപ്പിക്കല് ഇന്സ്റ്റിറ്റ്യൂട്ട് ഓഫ് ഇക്കോളജിക്കല് സയന്സസ് തുടങ്ങിയ സ്ഥാപനങ്ങള് സംയുക്തമായാണ് സര്വേ സംഘടിപ്പിച്ചിരിക്കുന്നത്.
വിവിധ കോളജുകളില് നിന്നു തെരെഞ്ഞെടുക്കുന്ന വിദ്യാര്ഥികള്ക്ക് ഡിസംബര് ആറിനു പാമ്പാടി ടൈസ് കാമ്പസില് ഏകദിന പരിശീലനം നല്കും. പങ്കെടുക്കാനാഗ്രഹിക്കുന്നവരും, നീര്നായകളുടെ സാന്നിധ്യമോ, അവ പ്രശ്നങ്ങള് ഉണ്ടാക്കുന്നതായി റിപ്പോര്ട്ട് ചെയ്യപ്പെട്ടതോ ആയ പ്രദേശങ്ങള് സംബന്ധിച്ച വിവരങ്ങള് താഴെപ്പറയുന്ന നമ്പരില് അറിയിക്കേണ്ടതാണ്: ടൈസ്: 9633723305.
Deepika
E-paper LOGIN
LOGIN
